Təhsilə bağlılıq və məsuliyyət nümunəsi — Sumqayıt şəhər 11 nömrəli məktəbin fəaliyyətinə fərqli baxış

Son dövrlərdə bəzi media platformalarında Sumqayıt şəhər 11 nömrəli tam orta ümumtəhsil məktəbinin direktoru, Şəlalə Hüseynova hər zaman diqqətdə saxlanılmalıdır: hər hansı təhsil müəssisəsinin rəhbəri barədə fikir formalaşdırarkən yalnız iddialara deyil, real fəaliyyətə, kollektivin münasibətinə və əldə olunan nəticələrə də baxmaq vacibdir.
Sual doğuran məqamlar varmı? Əlbəttə. Bəs hər iddia olduğu kimi qəbul edilməlidirmi?
Məsələn, məktəbdə internet və texniki problemlərlə bağlı səsləndirilən fikirlər fonunda belə bir sual meydana çıxır: hər hansı texniki nasazlıq birbaşa idarəçilik zəifliyinin göstəricisidirmi? Böyük kontingentə malik məktəblərdə müəyyən texniki problemlərin yaranması istisna deyil və belə hallarda əsas məsələ rəhbərliyin həmin problemlərin aradan qaldırılması üçün göstərdiyi səydir.
Məktəb mühitini yaxından tanıyanların fikirlərinə görə, Şəlalə xanım kollektivin və şagirdlərin fikirlərini təmkinlə dinləyən, məktəblə bağlı hər hansı problemin həlli üçün imkanları daxilində addımlar atan rəhbərlərdən biri kimi xarakterizə olunur. Təhsil müəssisəsində müəllim–şagird münasibətlərinin sağlam mühit üzərində qurulması, məktəbin daxili nizam-intizamının qorunması və davamiyyətin diqqətdə saxlanılması istiqamətində aparılan işlər də qeyd olunan məqamlar sırasındadır.
“Pul yığımı” ilə bağlı iddialar nə dərəcədə araşdırılıb?
İctimaiyyətə təqdim edilən hər hansı məlumatın hüquqi və faktiki əsaslara söykənməsi vacibdir. Təhsil sistemi ilə bağlı məsələlərdə xüsusilə həssas yanaşma tələb olunur. Əgər hər hansı iddia varsa, bunun aidiyyəti qurumlar tərəfindən araşdırılması və hüquqi qiymət verilməsi əsas meyardır. Hüquqi nəticə olmadan şəxslər haqqında yekun hökm vermək cəmiyyət arasında yanlış təsəvvür yarada bilər.
“Elm və Təhsil Nazirliyi belə onun qarşısını ala bilməz” ifadəsi doğrudanmı səsləndirilib? Əgər belədirsə, kimə, hansı şəraitdə və hansı şahidlərin iştirakı ilə deyilib?
Belə ciddi fikirlərin konkret sübut olmadan təqdim olunması suallar doğurur. Çünki bir rəhbər haqqında səsləndirilən hər bir ifadə həm məktəbin nüfuzuna, həm kollektivə, həm də şagirdlərin psixoloji mühitinə təsir edə bilər.
Təhsil sahəsində çalışan rəhbərlər haqqında danışarkən onların əməyini də görmək lazımdır. Şəlalə xanımın məktəbdə təhsilin keyfiyyətinin artırılmasına, şagirdlərin davamiyyətinə nəzarət edilməsinə, tez-tez sınaq imtahanlarının keçirilməsinə və müəllim–şagird münasibətlərinin sağlam əsaslar üzərində qurulmasına diqqət göstərdiyi bildirilir. Məktəbin adının ön sıralarda olması üçün görülən işlər, tədris prosesinə həssas yanaşma və şagirdlərin nəticələrinin yüksəldilməsinə yönəlik addımlar bir çox valideyn və müəllim tərəfindən də müsbət qiymətləndirilir.
Jurnalistika cəmiyyət üçün mühüm missiyadır. Lakin peşəkar jurnalistikanın əsas prinsiplərindən biri balanslı mövqe, faktlara söykənmək və qarşı tərəfin fikrini işıqlandırmaqdır. Bir şəxsin fəaliyyəti haqqında ictimaiyyətə məlumat təqdim edilərkən obyektivlik, dəqiqlik və hüquqi məsuliyyət prinsiplərinin qorunması həm etik, həm də peşə borcudur.
Təhsil bir millətin gələcəyidir. Bu gələcəyi formalaşdıran məktəblər və həmin məktəblərin rəhbərləri haqqında fikir bildirərkən emosiyadan daha çox obyektiv yanaşma, ittihamdan daha çox araşdırma və qərəzdən daha çox ədalətə söykənmək cəmiyyət üçün daha faydalı olar.