Şəmkirə İşıq Saçan Xidmət — Enerji Sahəsində Peşəkarlığın və İnsanlığın Təcəssümü

"Energetika hər bir ölkənin, hər bir dövlətin inkişafını müəyyən edən əsas sahələrdən biridir. Enerji təhlükəsizliyi milli təhlükəsizlik məsələsidir.”
İlham Əliyev
Azərbaycan Respublikasının Prezidenti cənab İlham Əliyevin enerji sahəsi ilə bağlı səsləndirdiyi bu dəyərli fikirlər bir daha sübut edir ki, enerji sistemi ölkənin inkişafının, insanların rifahının və dövlətçiliyin möhkəm dayaqlarından biridir. Məhz buna görə də bu sahədə çalışan hər bir rəhbər şəxs yalnız vəzifə daşıyıcısı deyil, həm də böyük məsuliyyətin, dövlət etimadının və xalq inamının daşıyıcısıdır. Belə mühüm və strateji bir sahəyə öz işinin öhdəsindən layiqincə gələn, peşəkarlığı, zəhmətkeşliyi, məsuliyyət hissi, dövlətinə və dövlətçiliyinə sədaqəti ilə seçilən bir insanın rəhbərlik etməsi əlbəttə ki, böyük xoşbəxtlikdir. Bu mənada sözün həqiqi mənasında Vətənimiz Azərbaycanın işığını qoruyan, insanlara xidmət etməyi özünə mənəvi borc bilən dəyərli şəxsiyyətlərdən biri də Şəmkir Elektrik Şəbəkəsinin rəisi Mehman Xəlilovdur.
Azərbaycanın qədim tarixi, zəngin mənəvi irsi və mərd insanları ilə seçilən bölgələrindən biri olan Şəmkir rayonu hər zaman öz qonaqpərvər insanları, elm adamları, ziyalıları və vətənpərvər oğulları ilə tanınıb. Bu rayonun insanlarında xüsusi bir doğmalıq, səmimiyyət və zəhmətkeşlik var. Şəmkirin torpağı yalnız bərəkəti ilə deyil, yetişdirdiyi dəyərli insanları ilə də seçilir. Rayonun ziyalıları, elmə töhfə verən şəxsiyyətləri, cəmiyyətə nümunə olan ağsaqqalları və gəncləri bu bölgənin mənəvi zənginliyini daha da artırır.
Xüsusilə Vətən müharibəsi dövründə Şəmkirin igid oğulları qəhrəmanlıq salnaməsi yazaraq xalqımızın şanlı tarixinə öz adlarını qızıl hərflərlə həkk etdilər. Onlar Vətən sevgisini yalnız sözlə deyil, qanı və canı ilə sübut etdilər. Dövlətimizin ərazi bütövlüyü uğrunda ölümün gözünə dik baxan bu qəhrəman övladlar xalqımızın qürur mənbəyinə çevrildi. Bu gün Şəmkir rayonunda yaşayan hər bir insan həmin qəhrəmanların əziz xatirəsini ehtiramla yad edir, qazilərimizə xüsusi hörmət və diqqətlə yanaşır.
Belə bir vətənpərvərlik ruhunun hökm sürdüyü rayonda enerji təminatı kimi mühüm bir sahəyə rəhbərlik etmək böyük məsuliyyət tələb edir. Çünki elektrik enerjisi təkcə bir xidmət sahəsi deyil — insanların gündəlik həyatının rahatlığı, müəssisələrin fəaliyyəti, kənd təsərrüfatının inkişafı və ümumilikdə sosial rifahın ayrılmaz hissəsidir. Məhz buna görə də Şəmkir Elektrik Şəbəkəsinin fəaliyyəti daim diqqət mərkəzindədir və bu sahəyə rəhbərlik edən Mehman Xəlilov öz peşəkarlığı ilə seçilən şəxslərdəndir.
Mehman Xəlilov həqiqətən də çox hörmətə layiq, adının mənasını xarakterində daşıyan insanlardan biridir, desək yanılmarıq. O, rəhbərlik etdiyi sahədə məsuliyyət hissi, yüksək təşkilatçılıq bacarığı, işinə vicdanla yanaşması və dövlət maraqlarını hər zaman üstün tutması ilə seçilir. Onun fəaliyyəti boyu əsas məqsədi insanların elektrik enerjisi ilə fasiləsiz təmin olunması, mövcud problemlərin vaxtında aradan qaldırılması və vətəndaş məmnunluğunun təmin edilməsi olmuşdur.
Mehman müəllimin şərəfli ömür yolu zəhmətin, dürüstlüyün və dövlətə sədaqətin bariz nümunəsidir. O, çalışdığı bütün dövrlərdə öz peşəsinə böyük sevgi ilə yanaşmış, kollektiv arasında qarşılıqlı hörmət, nizam-intizam və sağlam əmək münasibətlərinin formalaşmasına xüsusi önəm vermişdir. Onun rəhbərliyi altında Şəmkir Elektrik Şəbəkəsində həyata keçirilən işlər, insanların müraciətlərinə operativ yanaşılması və enerji təminatının yaxşılaşdırılması istiqamətində görülən tədbirlər sakinlərin rəğbəti ilə qarşılanır.
Lakin Mehman Xəlilovu fərqləndirən əsas xüsusiyyət yalnız peşəkarlığı deyil, eyni zamanda yüksək insani keyfiyyətləridir. O, şəhid ailələrinə və qazilərə daim xüsusi diqqət və qayğı ilə yanaşır, onların problemlərinə həssaslıq göstərir, imkan daxilində dəstəyini əsirgəmir. Çünki Vətən uğrunda canından keçənlərin ailələrinə sahib çıxmaq hər bir vicdanlı Azərbaycan vətəndaşının mənəvi borcudur. Mehman müəllim də bu müqəddəs dəyərləri hər zaman uca tutan insanlardandır.
Bu gün dövlətinə sədaqətlə xidmət edən, xalqın etimadını qazanan, işini vicdanla yerinə yetirən rəhbərlərin varlığı cəmiyyətimiz üçün böyük önəm daşıyır. Mehman Xəlilov kimi peşəkar, dövlətçilik ənənələrinə bağlı və yüksək mənəvi keyfiyyətlərə sahib insanların fəaliyyəti bir daha göstərir ki, uğurlu idarəçilik ilk növbədə insanlara sevgi, məsuliyyət və xalqa xidmət fəlsəfəsinə söykənir.
Sonda arzu edirik ki, Şəmkir Elektrik Şəbəkəsinin rəisi Mehman Xəlilov bundan sonra da öz məsuliyyətli və şərəfli fəaliyyətində yeni uğurlara imza atsın, möhkəm can sağlığı, ailə səadəti və uzun ömürlə xalqımıza, dövlətimizə xidmət etməyə davam etsin. Çünki belə insanların fəaliyyəti təkcə bir sahənin deyil, bütövlükdə cəmiyyətin inkişafına xidmət edən dəyərli örnəkdir.