Məryəm adının müqəddəsliyi və Elgün Məlikovun nəcib fəaliyyəti

İnsan adları bəzən sadəcə bir çağırış vasitəsi deyil, həm də dərin mənəvi və dini məna daşıyan dəyərlərdir. Belə müqəddəs adlardan biri də “Məryəm” adıdır. Bu ad İslam və digər səmavi dinlərdə paklıq, saflıq və ucalıq rəmzi kimi tanınır. Məryəm (İsa peyğəmbərin anası) öz iffəti, sədaqəti və ilahi seçilmişliyi ilə tarixdə xüsusi yer tutmuş müqəddəs bir simadır. Bu səbəbdən “Məryəm” adını daşıyan və ya bu adı yaşadan məkanlar da insanlarda həmişə sevgi, etibar və hörmət hissi oyadır.
Atalarımızın müdrik kəlamı var: “Ad insanı bəzəməz, insan adı bəzəyər.” Bu kəlam bir daha göstərir ki, adı ucaldan, ona dəyər qatan insanın öz əməlləri, davranışı və cəmiyyətə verdiyi töhfələrdir. Məhz belə insanlardan biri də “Məryəm Kids” uşaq bağçasının rəhbəri Elgün Məlikovdur.
Elgün Məlikovun ömür yolu gələcəyin qurucuları olan körpələrin tərbiyəsinə, onların sağlam və xoşbəxt mühitdə böyüməsinə həsr olunmuş şərəfli bir həyat yoludur. O, rəhbərlik etdiyi bağçada hər bir uşağa ata qayğısı ilə yanaşır, onların hər birinin fərdi inkişafına xüsusi diqqət yetirir. Onun rəhbərliyi ilə fəaliyyət göstərən bağça sevgi, qayğı və diqqətin hökm sürdüyü bir məkana çevrilmişdir.
“Məryəm Kids” uşaq bağçasında böyüyən körpələr üçün bu məkan sadəcə bir bağça deyil, onların həyatında ilk xatirələrin formalaşdığı, ilk dostluqların yarandığı, ilk sevinc və uğurların yaşandığı bir dünyadır. Burada çalışan müəllimə və tərbiyəçilər Elgün müəllimin rəhbərliyi ilə uşaqlara yalnız bilik deyil, eyni zamanda sevgi, mərhəmət və insani dəyərlər aşılayırlar. Məhz buna görə də bu bağçada böyüyən uşaqlar illər sonra belə öz rəhbərlərini və müəllimlərini daim xoş xatirələrlə xatırlayacaqlar.
Bağça körpə fidanların həyatında əvəzsiz rol oynayır. Burada atılan hər bir addım, verilən hər bir tərbiyə sabahın savadlı, mərifətli və vətənpərvər vətəndaşlarının yetişməsinə zəmin yaradır. Elgün Məlikov da bu məsuliyyətli missiyanı yüksək peşəkarlıq və böyük sevgi ilə yerinə yetirir.
Azərbaycan dövlətinin təhsil sahəsinə, o cümlədən məktəbəqədər təhsilə göstərdiyi diqqət və qayğı hər zaman xüsusi əhəmiyyət daşıyıb. Ümummilli lider Heydər Əliyev təhsili xalqın gələcəyi kimi qiymətləndirir, müəllim əməyinə yüksək dəyər verirdi. Bu siyasət bu gün də uğurla davam etdirilir. Azərbaycan Respublikasının Prezidenti İlham Əliyev cənablarının rəhbərliyi ilə məktəbəqədər təhsil sahəsində aparılan islahatlar, yaradılan müasir şərait bu sahədə çalışan insanlara böyük stimul verir.
Məhz bu diqqət və qayğıdan ruhlanan Elgün Məlikov da öz fəaliyyətində dövlətə və dövlətçiliyimizə sədaqəti ilə seçilən rəhbərlərdən biridir. O, yalnız bağçanın inkişafı ilə deyil, eyni zamanda cəmiyyətin həssas təbəqələrinə – şəhid ailələrinə və qazilərə göstərdiyi diqqət və qayğı ilə də fərqlənir. Bu isə onun yüksək mənəvi keyfiyyətlərinin və vətənpərvərlik ruhunun bariz göstəricisidir.
Bu gün “Məryəm Kids” uşaq bağçası gələcəyin xoşbəxt və savadlı övladlarının yetişdiyi bir məkana çevrilmişdir. Burada böyüyən körpələr sabah bu Vətənin layiqli vətəndaşları kimi formalaşacaqlar.
Sonda isə körpələrin qəlbində daim sevgi və hörmətlə xatırlanan bir rəhbər kimi Elgün Məlikova möhkəm can sağlığı, uzun ömür, fəaliyyətində böyük nailiyyətlər və yeni-yeni uğurlar arzulayırıq. Qoy onun gördüyü xeyirxah işlər, bəxş etdiyi sevgi və qayğı hər zaman onun həyat yolunu nurlandırsın.