Adı da, Əməlləri də Etimada Söykənən Dövlət Qulluqçusu – Amil Musayev

 Azərbaycanın strateji əhəmiyyətə malik, öz gözəlliyi, müasir infrastrukturu, abad küçələri, təmiz havası, qonaqpərvər insanları və qəhrəman oğulları ilə seçilən rayonlarından biri də Yevlaxdır. Ölkəmizin mühüm nəqliyyat qovşaqlarından sayılan bu qədim diyar təkcə coğrafi mövqeyi ilə deyil, həm də zəngin tarixi, milli-mənəvi dəyərlərə bağlı insanları, elm, təhsil, mədəniyyət, idman və dövlət quruculuğu sahələrinə bəxş etdiyi görkəmli şəxsiyyətləri ilə seçilir.
Yevlax sakinləri hər zaman dövlətə və dövlətçiliyə sədaqəti, vətənpərvərliyi, zəhmətkeşliyi və yüksək mənəvi keyfiyyətləri ilə tanınıblar. Bu torpağın yetirdiyi igid oğullar Birinci Qarabağ müharibəsində, 44 günlük Vətən müharibəsində və sonrakı dövrlərdə Vətənin ərazi bütövlüyü uğrunda qəhrəmanlıq göstərərək tariximizə şərəfli səhifələr yazıblar. Onların əziz xatirəsi daim ehtiramla yad edilir, şəhid ailələri və qazilər dövlətimizin xüsusi diqqət və qayğısı ilə əhatə olunur.
Bu gün Yevlax şəhərində müşahidə olunan inkişaf, abadlıq və quruculuq işləri, yeni sosial layihələrin həyata keçirilməsi, insanların rifahının yüksəldilməsi istiqamətində görülən işlər Yevlax Rayon İcra Hakimiyyətinin başçısı Anar Tağıyevin rəhbərliyi ilə həyata keçirilən məqsədyönlü fəaliyyətin nəticəsi kimi diqqəti cəlb edir. Rayonun gündən-günə müasirləşməsi, sakinlərin rahatlığının təmin olunması istiqamətində görülən işlər dövlətimizin vətəndaşa göstərdiyi diqqət və qayğının bariz təzahürüdür.
Belə bir məsuliyyətli rayonda fəaliyyət göstərən Yevlax Şəhər İcra Hakimiyyəti başçısının inzibati ərazi dairəsi üzrə nümayəndəsi Amil Musayev də öz peşəkarlığı, məsuliyyət hissi və vətəndaşlara səmimi münasibəti ilə seçilən dövlət qulluqçularındandır.
Bu mühüm vəzifəyə təyin olunduğu gündən etibarən Amil Musayev üzərinə düşən vəzifələri vicdanla yerinə yetirməyə çalışmış, qazandığı təcrübə və sakinlərin etimadı ilə öz fəaliyyətinə verilən yüksək qiyməti doğrultmağa səy göstərmişdir. Onun qəbuluna gələn hər bir vətəndaş diqqətlə dinlənilir, müraciətlərə həssaslıqla yanaşılır, problemlərin həlli istiqamətində qanunvericiliyin tələbləri və mövcud imkanlar çərçivəsində lazımi addımlar atılır.
İnsanlarla ünsiyyətdə sadəliyi, təvazökarlığı, səmimiyyəti və qayğıkeşliyi Amil Musayevin ən çox hörmət qazandıran xüsusiyyətlərindəndir. O, tutduğu vəzifəni yalnız inzibati məsuliyyət kimi deyil, xalqa xidmət etmək üçün verilmiş böyük etimad kimi dəyərləndirir.
Ümummilli Lider Heydər Əliyevin formalaşdırdığı dövlət idarəçiliyi məktəbinin əsas prinsiplərindən biri xalqa sədaqətlə xidmət etməkdir. Bu siyasi kurs bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. Dövlət başçısının regionların inkişafına, vətəndaş məmnunluğuna, şəhid ailələrinə və qazilərə göstərdiyi diqqət ölkənin hər yerində olduğu kimi Yevlaxda da öz bəhrəsini verməkdədir.
Amil Musayev də öz fəaliyyətində məhz bu ali prinsipləri rəhbər tutur. Şəhid ailələrinin, qazilərimizin və müharibə veteranlarının problemlərinə həssaslıqla yanaşır, onların qayğıları ilə maraqlanmağa, imkan daxilində dəstək göstərməyə çalışır. Çünki Vətən uğrunda canından keçən qəhrəmanlarımızın ailələrinə və sağlamlığını Vətən yolunda qurban vermiş qazilərimizə diqqət göstərmək hər bir dövlət qulluqçusunun mənəvi borcudur.
İşinə bağlılığı, yüksək məsuliyyət hissi, dövlətə və dövlətçiliyə sədaqəti, qanunlara hörmət və vətəndaş məmnunluğunu fəaliyyətinin əsas prinsipi seçməsi Amil Musayevin peşəkar fəaliyyətini xarakterizə edən əsas keyfiyyətlərdəndir. Bu gün Yevlax şəhərində dövlətlə vətəndaş arasında etibarlı körpünün qurulmasında belə dövlət qulluqçularının rolu danılmazdır.
"Amil" adı ərəb mənşəli olub "əməl edən", "fəaliyyət göstərən", "iş görən", "əməlin sahibi" mənalarını ifadə edir. Bu ad daim zəhmətkeşliyi, məsuliyyəti, fəallığı və xeyirxah əməlləri özündə ehtiva edir. Xalq arasında belə bir fikir var ki, insan öz adına layiq yaşadıqda həm cəmiyyətin hörmətini qazanır, həm də arxasında gözəl iz qoyur. Amil Musayevin fəaliyyəti haqqında söylənilən xoş fikirlər də onun daşıdığı adın mənası ilə əməllərinin vəhdət təşkil etdiyini göstərir. O, məsuliyyətli fəaliyyəti, xalqa yaxınlığı və vicdanlı xidməti ilə "Amil" adının daşıdığı mənaya uyğun davranmağa çalışan dövlət qulluqçularından biri kimi tanınır.
Jurnalist olaraq hesab edirik ki, dövlətə və dövlətçiliyə sədaqətlə xidmət edən, vətəndaş məmnunluğunu hər zaman ön planda saxlayan, insanlara qayğı və diqqətlə yanaşan dövlət qulluqçularının fəaliyyəti cəmiyyət üçün nümunədir. Çünki xalqa xidmət etmək ən ali və ən şərəfli missiyalardan biridir.
Sonda Yevlax Şəhər İcra Hakimiyyəti başçısının inzibati ərazi dairəsi üzrə nümayəndəsi Amil Musayevə möhkəm cansağlığı, sağlıqlı və uzun ömür, üzərinə düşən bu çətin və böyük məsuliyyət tələb edən fəaliyyətində yeni-yeni uğurlar, dövlətimizə və xalqımıza xidmət yolunda nailiyyətlər, şəxsi həyatında isə xoşbəxtlik, ailə səadəti, firavanlıq və ömür boyu sevinc dolu günlər arzulayırıq. İnanırıq ki, onun bundan sonrakı fəaliyyəti də vətəndaşların etimadını doğruldacaq, Yevlaxın inkişafına və dövlətimizin daha da qüdrətlənməsinə öz dəyərli töhfəsini verməyə davam edəcəkdir.