Səyyaf Tağıyev – Dövlətə sədaqət,Vətənə məhəbbət, İnsanlığa xidmət nümunəsi...

Xaçmaz rayonunda səhiyyə sisteminin inkişafı, vətəndaşların sağlamlığının qorunması və tibbi xidmətlərin keyfiyyətinin yüksəldilməsi istiqamətində böyük işlər görülür. Bu uğurların mərkəzində dayanan, peşəkarlığı, təşkilatçılıq bacarığı və insanpərvərliyi ilə seçilən şəxslərdən biri də Xaçmaz Rayon Mərkəzi Xəstəxanası Publik Hüquqi şəxsin direktoru Səyyaf Tağıyevdir. Onun uzun illər ərzində səhiyyə sahəsində qazandığı təcrübə, fədakarlıqla göstərdiyi xidmətlər və vətəndaşlara qayğıkeş münasibəti həm əməkdaşlar, həm də rayon ictimaiyyəti tərəfindən yüksək qiymətləndirilir.
Realxeber.com xəbər verir ki, son dövrlərdə bəzi "YouTube kanalında" və "TikTok sosial platformasında" Səyyaf həkim haqqında qərəzli və əsassız məlumatlar yayımlanır. Bu cür video materialların məqsədi onun peşəkar fəaliyyətinə kölgə salmaq, nüfuzuna zərbə vurmaqdır. Halbuki, Xaçmaz kimi strateji əhəmiyyətə malik bir bölgədə səhiyyə sisteminin inkişafı, xəstəxananın müasir səviyyədə idarə olunması və vətəndaşların sağlamlıqla bağlı narahatlıqlarının azaldılması məhz Səyyaf Tağıyevin düzgün idarəetmə prinsipləri nəticəsində mümkün olmuşdur. Onun fəaliyyətinə yaxından bələd olan hər kəs bilir ki, Səyyaf həkim vicdanla, dürüstlük və məsuliyyətlə işinə yanaşan, hər bir vətəndaşın sağlamlığını ön planda tutan bir rəhbərdir.
Səyyaf Tağıyev, ilk növbədə, Azərbaycan Respublikasının Prezidenti cənab İlham Əliyevin müəyyən etdiyi dövlət siyasətinə sadiq bir vətəndaşdır. O, səhiyyə sahəsində aparılan islahatların, tibbi xidmətlərin keyfiyyətinin yüksəldilməsi və regionlarda müasir tibb infrastrukturunun qurulması istiqamətində atılan addımların Xaçmaz rayonunda uğurla həyata keçirilməsinə çalışır. Səyyaf həkim üçün dövlət başçısının “Xalq dövlət üçün deyil, dövlət xalq üçündür” prinsipi fəaliyyətinin əsas meyarıdır. Onun rəhbərliyi ilə xəstəxanada yaradılan şərait, tibbi personalın peşəkar inkişafına göstərilən dəstək və xəstələrə göstərilən yüksək səviyyəli xidmət bu siyasətin praktik təzahürüdür.
Xəstəxananın maddi-texniki bazasının möhkəmləndirilməsi, yeni tibbi avadanlıqların gətirilməsi, həkimlərin ixtisasartırma kurslarına göndərilməsi, şəhid ailələri və qazilər üçün ödənişsiz tibbi xidmətlərin təşkil olunması Səyyaf Tağıyevin rəhbərliyi dövründə daha da genişlənmişdir. O, hər zaman şəhid ailələrinə, müharibə iştirakçılarına və sosial həssas təbəqədən olan insanlara xüsusi diqqət və qayğı ilə yanaşır. Onun üçün bu, sadəcə vəzifə borcu deyil, həm də mənəvi bir missiyadır.
44 günlük Vətən müharibəsində tibb işçilərinin üzərinə böyük məsuliyyət düşürdü. O ağır günlərdə Səyyaf həkim rəhbərliyi ilə əsl fədakarlıq nümunəsi göstərdi. 
Səyyaf Tağıyev həm də insanlara hörmət və etimad əsasında rəhbərlik edən bir şəxsdir. Onun rəhbərlik üslubunda ədalət, şəffaflıq və səmimiyyət əsas yer tutur. Xəstəxana əməkdaşları onu həm rəhbər, həm də dost kimi qəbul edir. Xaçmaz Mərkəzi rayon xəstəxanasında fəaliyyət göstərən hər bir tibb işçisi bilir ki, onların arxasında dayanan ədalətli və qayğıkeş bir direktor var. Bu isə iş mühitində qarşılıqlı hörmət və məsuliyyət hissini daha da möhkəmləndirir.
Bütün bu müsbət keyfiyyətlərə baxmayaraq, bəzi mətbuat orqanlarında yayılan böhtan xarakterli məlumatlar Səyyaf həkim kimi dövlətinə və xalqına sadiq bir ziyalının nüfuzuna xələl gətirmək məqsədi daşıyır. Lakin reallıq ondan ibarətdir ki, onun gördüyü işlər, qazandığı etimad və xalqa xidməti bütün bu qarayaxma cəhdlərini boşa çıxarır. Xalqın gözü tərəzidir — və bu gün Xaçmaz camaatı yaxşı bilir ki, Səyyaf Tağıyev rayonda səhiyyə sisteminin inkişafına öz əməli fəaliyyəti ilə töhfə verir.
Onun rəhbərliyi ilə xəstəxanada həyata keçirilən islahatlar, həkimlər və tibb bacıları arasında peşəkarlığın artırılması, xidmətlərin vətəndaş məmnunluğuna uyğun qurulması bir daha göstərir ki, Səyyaf Tağıyev səhiyyə sahəsində dövlət siyasətinin layiqli daşıyıcısıdır.
Bu gün Səyyaf həkim haqqında yayılan əsassız yazılar və video sujetdəki, böhtan xarakterli fikirlər heç bir faktla sübut olunmamışdır. Əksinə, onun fəaliyyəti rəsmi dairələr və vətəndaşlar tərəfindən yüksək qiymətləndirilir. Əgər bir rəhbər həm dövlətin, həm də xalqın etimadını qazanıbsa, bu, onun dürüstlüyünün və ləyaqətinin ən böyük göstəricisidir.
Səyyaf Tağıyev hər zaman deyir ki, “xalqın sağlamlığı dövlətin gələcəyidir.” O, bu fikri həyat prinsipi kimi qəbul edir və fəaliyyətinin bütün istiqamətlərini bu amal üzərində qurur. Onun fədakar fəaliyyəti sayəsində Xaçmaz rayonunda səhiyyə sistemi yeni inkişaf mərhələsinə qədəm qoyub.
Sonda qeyd etmək lazımdır ki, Səyyaf Tağıyev təkcə bir tibb rəhbəri deyil—o, həm də dövlətə sədaqət, vətənə məhəbbət və insanlığa xidmət nümunəsidir. Onun kimi peşəkar, vicdanlı və fədakar ziyalılar Azərbaycanın bölgələrində sağlamlıq, qayğı və inam mühitinin daima qorunmasına xidmət edirlər.
P.S. Bu gün biz Yeni Azərbaycan Partiyasının yaranmasının 33-cü ildönümünü qeyd edirik.
Yeni Azərbaycan Partiyasının yaranması Azərbaycan tarixinin dönüş nöqtələrindən biridir.
Bu möhtəşəm gün, YAP-ın yaranmasının  33-illiyi münasibətlə Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyev  başda olmaqla, 
Yeni Azərbaycan Partiyasının bütün üzvlərini, xüsusən də Xaçmaz Mərkəzi Rayon Xəstəxanası Publik Hüquqi şəxsin direktoru Səyyaf Tağıyevi ürəkdən təbrik edir, sağlıqlı uzun ömür diləyir, Ulu Öndər Heydər Əliyevin işıqlı ideyaları ətrafında sıx birləşərək Prezident İlham Əliyevin siyasətinin bundan sonra da ardıcıl olaraq həyata keçirilməsi istiqamətində göstərdiyi fəaliyyətində uğurlar arzulayıram.
Yeni Azərbaycan Partiyasının amalı qüdrətli Azərbaycan, müstəqillik, inkişaf, sosial rifahdır. Bu illər ərzində tarixi sınaqlardan, çətin dövrlərdən keçməklə əldə edilən nailiyyətlər Yeni Azərbaycan Partiyasının adı ilə bağlıdır. Yeni Azərbaycan Partiyası Azərbaycanın uğurlu, parlaq gələcəyini təmin edə biləcək yeganə partiyadır. Bütün bunlar təsdiq edir ki, ölkə qarşısında duran vəzifələr Yeni Azərbaycan Partiyasının rəhbərliyi ilə bundan sonra da uğurla Ümummilli Lider Heydər Əliyevin siyasi irsinə varislik ruhunda davam edəcək.