Hacı Zərintac xanım İsmayılova- Mənəviyyat Zirvəsində

Cəmiyyətin mənəvi dayaqları, onun dəyərlər sistemi yalnız qanunlarla və qaydalarla formalaşmır. Bu dayaqların bünövrəsini o insanlar yaradır ki, öz həyatları və əməlləri ilə cəmiyyətə nümunə olurlar. Belə şəxsiyyətlərdən biri də Qadın Sahibkarlar İB- Lənkəran Şöbəsinin sədri, "Cənub Turizm" İstirahət Mərkəzinin sahibi,Tərəqqi medallı xeyriyyəçi Hacı Zərintac xanım İsmayılovadır. 
O, illərdir öz fədakarlığı, insanlara qayğısı və mənəvi dəyərlərə sadiqliyi ilə xalqın hörmətini qazanıb. Hacı Zərintac xanım üçün uğur təkcə biznesdə əldə olunan nəticələr deyil – onun üçün uğur insanlara fayda vermək, vətənə xidmət etmək, xeyirxahlıqla yadda qalmaqdır.
Hacı Zərintac xanım İsmayılovanın həyat fəlsəfəsində mənəviyyat və vətənpərvərlik aparıcı yer tutur. O, hər zaman bildirir ki, insanın ən böyük sərvəti mənəviyyatıdır, çünki maddi imkanlar zamanla dəyişə bilər, amma mənəvi zənginlik insanı ömür boyu ucaldar. Bu düşüncə ilə o, bütün fəaliyyətini insanlara faydalı olmağa yönəldib. Əldə etdiyi hər bir nailiyyəti cəmiyyətin rifahı naminə bölüşməyi özünə borc sayır.
Hacı Xərintac İsmayılova Azərbaycanın sosial həyatında xeyriyyəçi iş xanımı kimi tanınır. Onun yardımları çoxşaxəlidir – o, şəhid ailələrinə, qazilərə, müharibə veteranlarına, aztəminatlı ailələrə və xəstə uşaqlara dəstək göstərir. Bu dəstək yalnız maddi yardımlarla məhdudlaşmır; Hacı Zərintac xanım hər zaman insanların dərdini dinləyir, onlara mənəvi dayaq olur, onların yanında olduğunu hiss etdirir. O, inanır ki, ən böyük sevinc bir ailənin üzünə təbəssüm gətirmək, bir uşağın gözündə ümid işığı yandırmaqdır.
Xüsusilə Vətən müharibəsindən sonra ölkədə şəhid ailələrinə və qazilərə diqqət və qayğının artırılması istiqamətində dövlət tərəfindən aparılan siyasəti Hacı Xərintac xanım İsmayılova ürəkdən dəstəkləyir və bu yolda fəal iştirak edir. O, tez-tez şəhid ailələrini ziyarət edir, onların məişət şəraitinin yaxşılaşdırılmasına yardım edir, uşaqlarına təhsil dəstəyi göstərir. Bu münasibəti ilə o, həm də Prezident İlham Əliyevin və Birinci vitse-prezident Mehriban xanım Əliyevanın həyata keçirdiyi sosial siyasətə sadiq bir vətəndaş olduğunu nümayiş etdirir.
Hacı Zərintac xanım İsmayılovanın fəaliyyətinin bir digər vacib tərəfi vətən sevgisi və milli dəyərlərin qorunmasıdır. O, daim qeyd edir ki, dövlətçiliyin dayağı xalqın mənəvi birliyidir. Bu birliyin qorunması üçün hər bir vətəndaşın məsuliyyəti var. O, gənclərə, xüsusən də yeni nəsil sahibkarlara tez-tez müraciət edərək bildirir ki, uğurun əsası dürüstlük, halal zəhmət və Vətən sevgisidir. “Qazancın halal olması insanın ruhunu təmiz saxlayır, ona rahatlıq gətirir” – bu, Hacı Zərintac xanımın həyat devizlərindən biridir.
Hacı Zərintac İsmayılova  iş xanımı kimi  cəmiyyətdə etibar qazanıb. Onun rəhbərlik etdiyi müəssisələrdə şəffaflıq, ədalət və əməksevərlik prinsipləri əsas yer tutur. O, işçilərinə yalnız rəhbər kimi deyil, həm də qayğıkeş bir böyük kimi yanaşır. Hər bir əməkdaşın sosial vəziyyəti, ailə rifahı onun üçün önəmlidir. Hacı Zərintac xanım hesab edir ki, insanlara qayğı ilə yanaşan sahibkar yalnız iqtisadi yox, həm də mənəvi lider ola bilər.
Onun fəaliyyəti bir çox hallarda səssiz, təmtəraqsız həyata keçirilir. Hacı Zərintac xanım heç vaxt etdiyi yaxşılıqları reklam etmir, çünki o, xeyirxahlığı vicdan borcu sayır. O, bir dəfə demişdi: “Əgər etdiyin yaxşılığı hər kəs bilirsə, deməli, sən onu Allaha yox, insanlara göstərmək üçün etmisən.” Bu sözlər onun mənəviyyatının dərinliyini və səmimiliyini ifadə edir.
Hacı Zərintac xanım İsmayılova üçün Vətən sevgisi və dövlətə sədaqət ailə dəyərlərindən qaynaqlanır. 
Hacı Zərintac xanım üçün mənəviyyat yalnız şəxsi keyfiyyət deyil, həm də milli kimliyimizin qorunması vasitəsidir. O, milli-mənəvi dəyərlərin təbliğinə, gənclərin vətənpərvər ruhda böyüməsinə xüsusi diqqət yetirir. O, hər zaman qeyd edir ki, “Azərbaycanın gələcəyi onun mənəviyyatlı, vicdanlı, dövlətini sevən gənclərinin əlindədir”.
Onun həyat yolu sübut edir ki, mənəviyyatla biznes, xeyirxahlıqla uğur bir arada mövcuddur. Hacı Zərintax İsmayılovanın timsalında biz görürük ki, dövlətə sədaqətli, xalqa xidmət edən iş adamı həm iqtisadi, həm də mənəvi baxımdan cəmiyyət üçün dəyər yaradır.
Bütün bu keyfiyyətlər Hacı Zərintac İsmayılova sadəcə uğurlu sahibkar deyil, mənəviyyat zirvəsinə yüksəlmiş şəxsiyyət kimi tanıdır. O, hər addımında Vətənə sevgi, insana hörmət, ədalətə inam nümayiş etdirir.
Hacı Zərintac xanımın adı bu gün təkcə biznes dairələrində deyil, həm də insanlıq, mərhəmət və vətənpərvərlik dəyərlərinin daşıyıcısı kimi çəkilir. O, hər bir azərbaycanlıya örnək olacaq bir həyat tərzi formalaşdırıb: Dövlətinə sədaqət, xalqına xidmət, mənəviyyatın ucalığı.
Bu səbəbdən onun haqqında deyilən “ Hacı Zərintac İsmayılova – mənəviyyat zirvəsində dayanan iş adamı” ifadəsi təkcə bir epitet deyil, onun bütün ömür yolunun, insanlıq amalının rəmzidir.
Realxeber.com olaraq bütün kollektivimiz adından Hacı Zərintac xanım İsmayılovanı 8 noyabr Zəfər bayramı və 9 Noyabr Bayraq Günü münasibətilə səmimi qəlbdən təbrik edir, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Heydər oğlu Əliyevin rəhbərliyi altında göstərdiyi şərəfli və gərəkli fəaliyyətində uğurlar arzulayıram. 
Qoy 8 Noyabr Zəfər Günümüz və 9 Noyabr Bayraq Günümüz hər zaman milli birliyimizin, dövlətçiliyimizin və qürurumuzun təntənəsi kimi qeyd olunsun.
Yaşasın Zəfər Günümüz!
Yaşasın üçrəngli bayrağımız!
Eşq olsun Azərbaycanın  şərəfli, xeyirxah xanımlarına!