Ağa Ağ Demək Məsuliyyətdir, Qaranı Ağ Göstərmək Yox!!!

Son illər ölkəmizdə aparılan islahatlar, xüsusilə kommunal xidmət sahəsində atılan addımlar cəmiyyətin diqqət mərkəzindədir. Elektrik enerjisi kimi strateji əhəmiyyətli bir sahədə görülən işlər isə həm sosial, həm də milli təhlükəsizlik baxımından xüsusi önəm daşıyır. Məhz bu baxımdan “Azərişıq” ASC-nin fəaliyyəti və bu quruma rəhbərlik edən Vüqar Əhmədovun adı daim ictimai müzakirələrdə yer alır.Lakin təəssüf hissi ilə qeyd etməliyik ki, bəzən obyektivlik və peşə etikası unudularaq, ayrı-ayrı yerlərdə baş verən nöqsanlar bütövlükdə qurumun rəhbərliyinin adına yazılır, illərlə formalaşmış nüfuz kölgə altına alınmağa çalışılır. Bu isə nə jurnalistikaya, nə də cəmiyyətə xidmət edir.Bu gün fakt ondan ibarətdir ki, Vüqar Əhmədov “Azərişıq” ASC-yə sədr təyin olunduqdan sonra ölkənin elektrik təsərrüfatında sistemli və real nəticələr əldə olunub.– İşğaldan azad edilmiş ərazilərin qısa müddətdə elektrik enerjisi ilə təmin olunması,– Yaşıl enerji strategiyasının icrası,
– Şəbəkələrin yenilənməsi və itkilərin azaldılması,
– Rəqəmsallaşma və şəffaflığın artırılması
bunlar kağız üzərində yazılan vədlər deyil, gözlə görülən, ölçülə bilən nəticələrdir.Bu faktlar fonunda ayrı-ayrı rayon və idarələrdə baş verən problemləri birbaşa sədrin adına yazmaq, onu hadisələrin tərəfi kimi təqdim etmək ədalətsiz yanaşmadır.Rəhbərliklə yerli İcra mexanizmini qarışdırmaq yanlışdır.Heç bir mərkəzi rəhbər hər bir rayon idarəsində baş verən mümkün sui-istifadəni real vaxtda görə bilməz. Bunun üçün yerli rəhbərlik, daxili nəzarət və hüquqi mexanizmlər mövcuddur. Əgər Xırdalan Enerji Təchizatı və Satışı İdarəsində hər hansı qanunsuzluq, rüşvət və ya vətəndaşa saymazyana münasibət varsa, bu araşdırılmalı,sübut olunmalı, hüquqi qiymətini almalıdır.
Amma bu proses şəxsləri hədəfə almaqla deyil, faktlarla aparılmalıdır.Jurnalistikanın Gücü Qara Yaxmaqda Deyil.
Unutmamalıyıq ki, jurnalistika ittiham tribunası deyil. Jurnalistəm, demək kiməsə kölgə salmaq, şayiəni fakt kimi təqdim etmək haqqı vermir. Əksinə, jurnalistin borcu
balansı qorumaq,qarşı tərəfin mövqeyini almaq, məsuliyyəti fərdi icraçı ilə sistem rəhbərini ayırd etməkdir.
Bir idarədəki problemə görə illərlə dövlətə xidmət etmiş, nüfuz qazanmış bir rəhbərin adını şübhə altına almaq nə peşəkarlıqdır, nə də vicdanlı mövqe...Əsl dəstək tənqid deyil, düzgün ünvanlandırmadır Cəmiyyətin problemləri demək haqqı var. Amma bu problemlər doğru ünvana,düzgün dillə çatdırılmalıdır. Vüqar Əhmədovun fəaliyyəti göstərir ki, o, əsaslı müraciətlərə, faktlara və sübutlara hər zaman açıqdır. Məhz buna görə də onun adı bu gün dövlətə sədaqət, sistemli idarəçilik və nəticə ilə assosiasiya olunur.Nəticə Bu gün “ağa ağ, qaraya qara” demək cəsarət tələb edir. Yerlərdə nöqsan varsa, araşdırılsın. Qanunsuzluq varsa, cəzasını alsın!
Amma bunu edərkən Vüqar Əhmədov kimi rəhbərlərin illərlə formalaşmış nüfuzunu ləkələmək yolverilməzdir.
Çünki bu nüfuz tək bir şəxsin deyil, bütövlükdə dövlət idarəçiliyinə olan inamın göstəricisidir.