Azərbaycanın ən füsunkar bölgələrindən biri olan Kəlbəcər rayonu bu gün Böyük Zəfərin bəxş etdiyi sevinc və qürur hissləri ilə yenidən dirçəlməkdədir. Uca dağları, gur bulaqları, şəfalı İstisu mənbələri, sıx meşələri və bənzərsiz təbiəti ilə tanınan Kəlbəcər əsrlər boyu Azərbaycan xalqının milli sərvəti olmuşdur. İşğaldan azad edildikdən sonra rayon öz doğma sakinlərinə qovuşaraq yeni inkişaf mərhələsinə qədəm qoymuş, quruculuq və abadlıq işləri geniş vüsət almışdır.
Kəlbəcər təkcə təbiət gözəllikləri ilə deyil, həm də qonaqpərvər, saf qəlbli, mərd və vətənpərvər insanları ilə seçilir. Bu torpaq Azərbaycan elminə, mədəniyyətinə və ictimai həyatına çoxsaylı ziyalılar, elm adamları və nüfuzlu şəxsiyyətlər bəxş etmişdir. Kəlbəcərlilər harada yaşamalarından asılı olmayaraq Vətənə bağlılıqlarını, milli-mənəvi dəyərlərə sədaqətlərini hər zaman qoruyub saxlamışlar.
44 günlük Vətən müharibəsində Kəlbəcər oğulları da Azərbaycan Ordusunun sıralarında böyük qəhrəmanlıqlar nümayiş etdirmiş, torpaqlarımızın azadlığı uğrunda canlarından keçərək şəhidlik zirvəsinə ucalmışlar. Onların göstərdikləri şücaət Azərbaycan tarixinin şanlı səhifələrində əbədi yaşayacaqdır. Bu gün qazilərimiz və veteranlarımız xalqımızın qürur mənbəyidir və onların xidmətləri daim ehtiramla yad olunur.
Qələbədən sonrakı dövrdə Kəlbəcərdə həyatın bütün sahələri kimi səhiyyə sisteminin inkişafına da xüsusi diqqət göstərilir. Azərbaycan dövlətinin həyata keçirdiyi genişmiqyaslı quruculuq proqramları nəticəsində rayonun səhiyyə infrastrukturu da yenilənməkdə, əhalinin keyfiyyətli tibbi xidmətlə təmin olunması istiqamətində mühüm addımlar atılmaqdadır.
Bu sahədə səmərəli fəaliyyəti ilə seçilən şəxslərdən biri də Kəlbəcər Rayon Mərkəzi Xəstəxanası Publik Hüquqi Şəxsinin direktoru Ənvər İmaməliyevdir. O, Hippokrat andına sadiq qalaraq öz peşəsini sevən, vəzifəsinə böyük məsuliyyətlə yanaşan səhiyyə rəhbərlərindən biri kimi tanınır.
Ənvər İmaməliyev dövlətə və dövlətçiliyimizə sədaqətlə xidmət etməyi fəaliyyətinin əsas prinsiplərindən biri hesab edir. Onun rəhbərliyi altında xəstəxanada sağlam iş mühiti formalaşmış, həkim və tibb personalı arasında qarşılıqlı hörmət və etimada əsaslanan münasibətlər yaradılmışdır. Kollektiv üzvlərinin peşəkar inkişafına göstərdiyi diqqət və qayğı onun rəhbərlik keyfiyyətlərinin mühüm göstəricilərindəndir.
Pasiyentlərlə münasibətdə isə Ənvər İmaməliyev yüksək humanizm nümunəsi nümayiş etdirir. O, hər bir xəstəyə ən doğma insanı kimi yanaşmağa, onların sağlamlıq problemlərinin həllinə həssaslıqla yanaşmağa çalışır. Xəstələrin müraciətlərinə diqqətlə yanaşılması, onların rahatlığının təmin olunması və tibbi xidmətin keyfiyyətinin yüksəldilməsi daim diqqət mərkəzində saxlanılır.
Azərbaycan səhiyyəsinin inkişafından danışarkən Ümummilli Lider Heydər Əliyevin bu sahəyə göstərdiyi müstəsna diqqət və qayğını xüsusi vurğulamaq lazımdır. Ulu Öndərin müəyyən etdiyi səhiyyə strategiyası bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. Ölkəmizdə yeni xəstəxanaların tikilməsi, səhiyyə müəssisələrinin müasir avadanlıqlarla təchiz olunması və tibb işçilərinə göstərilən dövlət qayğısı bunun bariz nümunəsidir.
Bu diqqət və qayğıdan ruhlanan Ənvər İmaməliyev şəhid ailələri və qazilərə xüsusi həssaslıqla yanaşır. Onların növbədənkənar tibbi xidmət almasına şərait yaradılması, problemlərinin operativ həlli istiqamətində göstərilən diqqət və qayğı onun vətəndaşlıq mövqeyinin və vətənpərvərliyinin göstəricisidir. O, imkanları daxilində bu kateqoriyadan olan insanlara kömək göstərməyi özünün mənəvi borcu hesab edir.
Ənvər İmaməliyev eyni zamanda Kəlbəcər rayonunun ictimai-siyasi həyatında da yaxından iştirak edir. Müxtəlif ictimai tədbirlərdə, sosial layihələrdə və maarifləndirici təşəbbüslərdə fəal iştirakı onun cəmiyyətə faydalı olmaq istəyinin göstəricisidir.
Bu gün Kəlbəcər rayonu yenidən qurulur, inkişaf edir və özünün əvvəlki şöhrətini daha da artırır. Bu inkişaf yolunda səhiyyə işçilərinin, xüsusilə də Ənvər İmaməliyev kimi peşəkar və məsuliyyətli rəhbərlərin fəaliyyəti böyük əhəmiyyət daşıyır.
Fürsətdən istifadə edərək Kəlbəcər Rayon Mərkəzi Xəstəxanası Publik Hüquqi Şəxsinin direktoru Ənvər İmaməliyevi qarşıdan gələn 15 İyun – Milli Qurtuluş Günü və 17 İyun – Səhiyyə İşçilərinin Peşə Bayramı münasibətilə səmimi qəlbdən təbrik edirik.
15 İyun Milli Qurtuluş Günü Azərbaycan xalqının taleyində mühüm dönüş nöqtəsi olmuş, ölkəmizin müstəqilliyinin qorunub saxlanılması və inkişaf yoluna çıxması üçün möhkəm təməl yaratmışdır. Ulu Öndər Heydər Əliyevin xilaskarlıq missiyası nəticəsində Azərbaycan dövlətçiliyi təhlükələrdən xilas olmuş, bugünkü güclü və qüdrətli Azərbaycan formalaşmışdır.
17 İyun – Səhiyyə İşçilərinin Peşə Bayramı isə insan sağlamlığını qorumağı həyat amalına çevirən, öz peşəsinə vicdanla xidmət edən səhiyyə fədailərinin bayramıdır. Bu gün insanlara şəfa bəxş edən, onların sağlamlığı naminə yorulmadan çalışan tibb işçilərinə göstərilən hörmət və ehtiramın təcəssümüdür.
Hörmətli Ənvər həkim!
Sizə möhkəm cansağlığı, uzun ömür, ailə səadəti, şərəfli peşənizdə və uğurlu fəaliyyətinizdə yeni nailiyyətlər arzulayırıq.
Qoy insanların sağlamlığı yolunda göstərdiyiniz qayğı, xeyirxahlıq və peşəkarlıq daim yüksək qiymətləndirilsin.
Milli Qurtuluş Gününüz və Səhiyyə İşçilərinin Peşə Bayramınız mübarək olsun! Azərbaycanın tərəqqisi, xalqımızın rifahı və insan sağlamlığının keşiyində dayanan fəaliyyətinizdə nailiyyətləriniz bol olsun.
Sizi bayramlar münasibətilə təbrik edir, nailiyyətlər diləyirəm.
Bayramınız mübarək,Ənvər həkim