Fədakar və Qayğıkeş Rəhbər

Uşaqların ilk sosiallaşma mühiti, onların şəxsiyyətinin formalaşdığı, dünyanı tanımağa başladığı ən vacib məkanlardan biri məhz uşaq bağçalarıdır. Bu mühüm mərhələdə onları qarşılayan, qoruyan, yönləndirən, sevgini və məsuliyyəti bir arada təqdim edən şəxslər isə dəyərlər sisteminin əsası olan təhsilin ilk pilləsinin qəhrəmanlarıdır. Sumqayıt şəhər 2 saylı Körpələr evi-Uşaq bağçasının direktor əvəzi Gülnarə xanım peşəkar müəllimlərdən biridir. Gülnarə xanım 2019-cu ilin sentyabr ayından müəllimə işləyən, 2025-ci ilin fevral ayından məktəbəqədər təhsil sahəsində həm müdir əvəzi,həm də müəllimə fəaliyyəti göstərərək yüzlərlə uşağın sevgi və qayğı içində böyüməsinə, sağlam və savadlı təməl qazanmasına töhfə verir. Onun rəhbərliyi altında fəaliyyət göstərən Körpələr evi-uşaq bağçası bu gün sadəcə tədris müəssisəsi deyil, həm də balacalar üçün xoşbəxt və təhlükəsiz bir ailə mühitidir. Burada uşaqların fərdi inkişafı, sosial bacarıqları, psixoloji rahatlığı və yaradıcı qabiliyyətləri ön planda tutulur. Gülnarə xanımın idarəçilik fəlsəfəsində hər bir uşaq–bir dünyadır. O, pedaqoji heyətin peşəkarlığının artırılmasına xüsusi önəm verir, tərbiyəçilərin müasir təlim metodlarına yiyələnməsi üçün daim təşəbbüslər göstərir. Eyni zamanda valideynlərlə sıx əməkdaşlıq yaradaraq, ailə-məktəbəqədər müəssisə modelini daha funksional və faydalı formaya gətirib.Sumqayıt şəhər 2 saylı Körpələr evi Uşaq baxçasında həyata keçirilən maarifləndirici layihələr, bayram tədbirləri, psixoloji inkişaf proqramları və sağlamlıq yönümlü fəaliyyətlər Gülnarə xanımın işə ürəklə yanaşmasının, peşəsinə bağlılığının nəticəsidir. O, bağçanı müasir və innovativ yanaşmalarla yeniləməyə, həm maddi-texniki bazanı gücləndirməyə, həm də təlim-tərbiyə mühitini daha səmərəli etməyə davam edir. Bağçada tətbiq olunan oyun əsaslı təlim metodları, erkən yaş dövrü üçün uyğunlaşdırılmış interaktiv dərsliklər və rəqəmsal resurslar uşaqların həm fiziki, həm də zehni inkişafına xidmət edir. Məhz bu səbəbdən Sumqayıt şəhər 2 saylı Körpələr evi Uşaq baxçasında valideynlər arasında etibarlı bir təhsil mərkəzi kimi nüfuz qazanıb. Gülnarə xanımın təşəbbüsü ilə bağçada inklüziv təhsilə də xüsusi diqqət yetirilir–xüsusi qayğıya ehtiyacı olan uşaqlar üçün fərdi inkişaf proqramları hazırlanır və sosial adaptasiya mühiti yaradılır. Gülnarə xanım uşaqların xoşbəxt gələcəyinə inanan, onların ilk addımlarını sevgi ilə müşayiət edən əsl maarifpərvərdir. Onun əməyinin nəticəsi isə sabahın savadlı, mədəni və sağlam cəmiyyəti olacaq. Bu gün o, təkcə təhsil sisteminə deyil, eyni zamanda insanlıq dəyərlərinin yaşadılmasına xidmət edən nadir rəhbərlərdən biri kimi cəmiyyətin rəğbətini qazanmaqdadır.
P.S. Realxeber.com kollektivi olaraq Sumqayıt şəhər 2 saylı Körpələr evi Uşaq bağçasının müdir əvəzi,dəyərli müəllimə Gülnarə xanıma iş fəliyyətində uğurlar arzulayır, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında göstərdiyi çətin, şərəfli və məsuliyyət tələb edən fəaliyyətində uğurlar arzulayırıq.