"Avtopilot" MMC-nin rəhbəri, ictimai xadim İqrar Həsənov: Zəfərimizin və Bayrağımızın Əzəməti – Qürur Dolu Günlərimiz

Azərbaycan xalqının qürur və iftixar dolu günlərindən biri 8 Noyabr – Zəfər Günü, digəri isə 9 Noyabr–Dövlət Bayrağı Günüdür. Bu iki tarixi gün Azərbaycanın dövlətçilik salnaməsində əbədi olaraq qızıl hərflərlə yazılıb. Bu günlər xalqımızın birliyinin, dövlətimizin qüdrətinin və müstəqilliyimizin rəmzidir.
Realxeber.com olaraq  bu möhtəşəm bayramlar münasibətilə Sizi və bütün ailə üzvlərinizi  səmimi qəlbdən təbrik edir, 8 Noyabr Zəfər Günü və 9 Noyabr Bayraq Günü Azərbaycan tarixinin ən parlaq səhifələrindəndir. “Bu qələbə xalqımızın iradəsinin, Ali Baş Komandanımız cənab İlham Əliyevin müdrik və uzaqgörən siyasətinin, qəhrəman ordumuzun rəşadətinin nəticəsidir. Bu gün biz o müqəddəs günlərin qürurunu, o böyük Zəfərin sevincini yaşayırıq”.
Zəfər Günü təkcə torpaqlarımızın azad edilməsi ilə deyil, həm də xalqımızın milli qürurunun, birliyinin və mənəvi dirçəlişinin təntənəsidir. 44 günlük Vətən müharibəsində Azərbaycan xalqı bir yumruq kimi birləşərək, işğala son qoydu və dövlətinin ərazi bütövlüyünü bərpa etdi. Bu tarixi qələbə Ulu Öndər Heydər Əliyevin müəyyən etdiyi və Prezident İlham Əliyevin uğurla davam etdirdiyi dövlətçilik siyasətinin məntiqi nəticəsidir.
Azərbaycanın üçrəngli, ay-ulduzlu müqəddəs Dövlət Bayrağı bu gün azad edilmiş torpaqlarımızda qürurla dalğalanır. 
Şuşa qalasında, Cəbrayılda, Zəngilanda, Füzulidə, Laçında, Kəlbəcərdə və digər doğma yurdlarımızda bu bayraq ucaldıqca xalqımızın qüruru daha da artır. Hər bir azərbaycanlı üçün bu bayraq azadlıq, müstəqillik və milli birliyin rəmzidir.
9 Noyabr – Dövlət Bayrağı Günü yalnız bir simvolun deyil, həm də bir ideologiyanın, bir milli ruhun bayramıdır. Üç rəng – mavi, qırmızı və yaşıl – xalqımızın köklərini, müasir inkişaf yolunu və mənəvi dəyərlərini özündə əks etdirir. “Bayrağımız daim yüksəkliklərdə dalğalanacaq, çünki onun ucalığı Azərbaycanın əzəməti ilə ölçülür. Bizim bayrağımız təkcə bir parça deyil, bu torpaqda şəhid olan igidlərimizin qanı ilə müqəddəslik qazanmış bir dəyərdir”.
Bu gün Zəfər və Bayraq bayramlarının bir-birinə yaxın tarixlərdə qeyd olunması təsadüfi deyil. Bu, Azərbaycan dövlətinin qələbə və müstəqillik simvolu kimi mənəvi gücünü daha da artırır. Hər iki gün həm ordumuzun, həm də xalqımızın birlik, vətənpərvərlik və dövlətə sədaqət ruhunu əks etdirir.
Zəfər Günü və Bayraq Günü münasibətilə hər bir Azərbaycan vətəndaşı qəlbində dərin qürur hissi daşıyır. Bu günlər bizə göstərir ki, xalq–ordu–dövlət birliyi sarsılmazdır və Azərbaycanın gələcəyi parlaqdır. “Biz Zəfərimizi qorumaq, Bayrağımızı daha da yüksəklərə qaldırmaq üçün bir amal uğrunda çalışmalıyıq. Çünki bu bayraq uğrunda canından keçən şəhidlərimizin ruhu bizə daim güc verir”.
Bu münasibətlə Realxeber.com kollektivi adından sizi və sizin şəxsinizdə bütün Azərbaycan xalqını təbrik edirəm. 
Qoy 8 Noyabr Zəfər Günümüz və 9 Noyabr Bayraq Günümüz hər zaman milli birliyimizin, dövlətçiliyimizin və qürurumuzun təntənəsi kimi qeyd olunsun.
Yaşasın Azərbaycan! Yaşasın üçrəngli bayrağımız! 
Yaşasın qalib xalqımız!
Yaşasın Azərbaycanımızın sizin kimi şərəfli oğulları!